賭王何鴻燊與四房梁安琪的兩個兒子猷君及猷亨昨日不約而同爆戀情，身在澳洲的四太笑說：「乜今(昨)日好日咩？咁高興！」對於兩名兒子的新戀情，她否認猷君又拍拖：「邊有咁快呀？啱啱先分開。個女仔我唔識，不過佢係超盈啲朋友，佢哋成班過咗澳門睇陳奕迅，聽（今）日一齊過嚟澳洲同我過新年，我就唔係好信喇，佢嚟到我都會問吓佢！」而對於猷亨承認的女友陳瀅，她大讚陳瀅漂亮：「見過陳瀅好多次。（猷亨帶畀你見？）唔係，在無綫同保良局見過佢，靚女咪認得。（對佢印象唔錯？）記得佢部劇。（你畀佢哋拍拖？）唔係我唔OK，都唔知個仔係咪。」她亦為兒子澄清「包養」一事，否認借出物業給陳瀅：「肯定冇，複式租晒畀人。」

四太表示見過陳瀅好多次。