昨日有指何家四房長子何猷亨與陳瀅同遊日本札幌，猷亨接受電話訪問時罕有地坦白戀情：「係拍拖。（拍咗幾耐？）拍拖咁私人，覺得唔使向公眾交代。（點解咁罕有承認戀情？）證明呢個女仔在我心目中嘅地位，行動證明咗！」對於被指「包養」女友，安排她入住母親梁安琪名下豪宅物業，猷亨坦言字眼令他很反感：「絕對冇包養，男仔同女仔出街食飯，一人請一餐係咪包養？我都係打份工，養自己都未得，點養人？包養很侮辱，我屋企背景係另一回事，點解富裕背景嘅人同人拍拖就畀人咁寫？（陳瀅唔開心？）任何女仔畀人寫啲唔係事實嘅嘢，冇人會開心。」而身在加拿大的陳瀅亦透過短訊回覆：「多謝大家關心，係嘅，我哋發展緊，不過感情事低調處理，（話你被包養？）不實報道唔太多回應喇！」

陳瀅承認與猷亨（圖）正在發展，希望低調處理感情。

陳瀅