即將舉行《#TWINS#LOL#LIVE IN HK》演唱會的Twins昨日進行綵排，並即場試跳《ichiban興奮》一曲，兩人頻頻被舞蹈員抬起做出高難度動作，不但站到舞蹈員肩膊上，更凌空踢腿！尾段鍾欣潼（阿嬌）與蔡卓妍（阿Sa）一齊被抬高做攤坐動作，不過首次做此動作的阿嬌因不夠熟練而兩度險墮，相當驚險！

阿嬌（左）和阿Sa對於嘉賓人選非常頭痕！

Twins被一眾Dancer抬高做高難度動作，都咪話唔驚呀！

阿Sa透露練舞練到周身瘀：「對腳瘀晒！我影咗相Send畀排舞師，點知佢攞咗嚟做Wallpaper！」問到今次開騷可會性感登場？兩人表示尚未見到開騷的服裝：「今晚（昨晚）會去試啲衫，依家暫時只見過一件。（性感？）見仁見智啦！」兩人又表示嘉賓最令人頭痛：「有啲一早話咗嚟唔到，有啲臨時先話唔得，同埋我哋今次請嘅都係同我哋同期嘅組合，而又未拆夥，所以人選本來就唔多。」