黃秋生與蘇玉華（阿蘇）昨日到觀塘綵排下月公演的舞台劇《狂揪夫妻》，期間秋生預告明年工作：「舞台劇依家總共演14場，之後去新加坡演，另外會去馬來西亞拍邱禮濤導演嘅恐怖片《失眠咒》，出年好多嘢搞，想同英皇傾搞個Musical，我又要寫書、寫稿、做電台，仲有人搵我教書。（攞完視帝多咗工作？）唔係喎！都係自己搞嘅。」

同屬實力派的秋生與阿蘇將「狂揪」14場舞台劇，現正加緊綵排。

阿蘇則享受劇中的「辣妻」角色：「好多人以為我好斯文，畀大家睇吓我『辣』嘅一面。（要講粗口對白？）劇情需要就講，自然流露。（刻意同上次吳君如版唔同？）我同吳君如本身就唔一樣，但我演出時會忠於劇本，由劇本帶住行，所有嘢自然發生。」