黃智雯成功「搶花球」

胡杏兒的一班兄弟姊妹團陣容鼎盛，來自「胡說八道」會的姊妹團包括胡蓓蔚、胡定欣、黃智雯及姚子羚等，氣勢壓場！接新娘時她們要23位兄弟接受肢體動作考驗，新郎李乘德因衣着關係全程「旁觀」，胡蓓蔚笑說：「本來有諗過比較難嘅熱身，23位兄弟亦準備咗要唱歌同跳舞，但最終冇機會表演，佢哋覺得太簡單！」定欣接着說：「很輕鬆就過關，因為杏兒要求不要難為佢老公，佢太愛佢喇！」問到開門利是，姊妹團笑指起初兄弟只給八蚊：「超唔畀面，點可能？最終係5位數以上嘅利是，我哋好滿意，足夠大家同杏兒再開一次派對慶祝。（送畀新人禮物？）我哋一陣會唱出嚟，單立文通宵幫我哋準備咗隻歌，希望畀到驚喜佢哋啦！」而代表新人向傳媒派利是時被追問何時結婚的子羚笑說：「快啦！下個月呀！」至於搶花球，姊妹團推說要讓給黃智雯，希望快點聽到她的好消息，智雯聞言即向姊妹大發嬌嗔，花球最後由杏兒的家姐搶得，其後交到智雯手上。