姚樂怡（Sherming）與從商丈夫吳俊匡結婚三年多，今年冬至12月22日終榮升父母，昨晨急不及待在微博報喜。

姚樂怡在冬至剖腹誕女，BB似媽媽定似爸爸先？

姚樂怡抱住入睡的寶貝女Gaibe，今個冬天好溫馨！

Sherming剖腹誕下的囡囡重6.8磅，英文名為Gaibe，她笑言想過生元旦BB：「醫生話懷孕已經近9個月，足晒月啦！唔想再等多一個星期！（再追？）老公想呀，愈多愈好！但我想遲啲先，不過都想追個仔，咁就完美。（中文名？）搵緊人改！」她又透露年初決志信主，希望神賜BB，現在願望達成，老公亦會跟她返教會。已返家休息的Sherming昨日受訪時稱正試餵人奶：「囡囡係為食B，但我奶水唔夠，都會試餵人奶，驚BB唔夠飽，所以要等BB半夢半醒先可以餵，唔夠先補奶粉。」