胡杏兒今日出閣，「胡說八道會」成員李施嬅（Selena）的心情原來跟新娘子一樣興奮，已經急不待在微博上載了一段31秒的短片，片中影住Selena對手彈奏一段結婚進行曲的音樂，未知她是否於今天婚禮上擔當伴奏重任呢？Selena留言：「好快就是胡杏兒大日子了，興奮到要彈首歌啊！」

至於身兼伴娘的胡定欣昨日受訪時說：「好彩今日只拍外景，可以早啲瞓，因為聽日早過開工，05前就要起身化妝，仲要攞好多嘢去杏兒度。（唔去對方度瞓？）唔方便嘅！我今晚要敷Mask，仲去咗做運動，因為大家話大喜日子個個都要靚。（仲有咩準備？）情深說話，一定喊爆！終於等到呢日，好緊張、擔心瞓唔着！」而黃智雯亦稱很緊張，並笑言緊張過自己結婚。