蜜運中的人身形通常較單身者圓潤，藝人蕊蕊與男友金剛拍拖後經常食消夜過二人世界，令蕊蕊體重有增無減！有舞蹈底子的蕊蕊過往每周跳舞三、四天，令雙腿變粗、Hip位變大，她曾嘗試跑步Keep Fit，可惜未見成效。為操弗線條，她早前在好友陳偉成（Avis）介紹下結識健身教練Eric，並展開每周兩至三天的訓練，她說：「唔係特別要減肥，但想望落身形Firm啲，尤其Hip位，唔想有鬆弛嘅贅肉！」她接受連續兩周的健身訓練，並配合營養餐單，現已減了四至五磅：「呢兩個星期跟住餐單食雞肉同菜，唔食消夜同煎炸肥膩嘢，有成果！」

蕊蕊接受連續兩周的健身訓練，減Hip位收緊線條。

蕊蕊與金剛經常撐枱腳密密食，為免身材走樣，當然要勤加運動！