華南影星紫羅蓮（原名：鄒潔蓮）冬至病逝，享年91歲。她一生演出電影超過一百部，包括與當年仍是童星的李小龍合作《危樓春曉》，經典作是與梁醒波合作的《呆佬拜壽》。息影後一直在教會做義工。胡楓對老拍檔辭世感愕然：「可惜，老朋友走吓一個走吓一個，個心都唔安樂，我同佢識咗幾十年，過往一年都會有幾次聚會見到面，對上一次見係半年前嘅事，唔覺佢身體有任何病痛。佢為人好隨和、好開朗、樂觀，大家成日都講笑。」謝賢說：「佢係我前輩，冇一齊拍過戲，不過佢都好大年紀，人都係要走。」曾江說：「冇合作過，但我知道佢好有名！」

（黑白圖片）

紫羅蓮

（左起）胡楓、曾江、謝賢

至於馮素波則稱讚紫羅蓮為人溫柔、聰明、斯文及有教養：「前輩做戲時我都未出世，冇合作過，佢係我爸爸（馮峰）年代嘅演員，爸爸好仰慕佢，讚佢係音樂天才。」薛家燕對前輩辭世感到難過，十分不捨這位友善、有愛心的前輩。