吳若希（Jinny）及農夫昨日擔任「香港冬季購物節」及「香港冬日美食節」表演嘉賓，Jinny因只唱一首歌離開而被指獲獎後加騷價，避談的她表示是大會安排。而農夫的C君指為表誠意，用錄音訊息向好友送上聖誕祝福。

Jinny不但擔任美食節評判，更手持廚具扮煮餸。

Jinny在台上與廚師及嘉賓一齊煮餸，大展廚藝。

農夫在台上大放笑彈，引得全場哈哈大笑！

Amy（左）與契媽黃夏蕙全程雞啄唔斷。

吳若希昨日與組合農夫為灣仔會展的「香港冬季購物節」及「香港冬日美食節」擔任表演嘉賓，Jinny因天氣突變而氣管敏感，問到是否怕影響今晚新城頒獎禮的表現？她說：「唔驚，睡夠就得，今（昨）晚同圈外朋友食飯，然後早啲休息。」雖然與農夫同為表演嘉賓，但Jinny卻玩「快閃」，僅唱一首歌便離開，問到是否因頒獎禮奪獎而加騷價？她看看身旁的助手說：「大會安排，我有另一個工作，就係做美食評判。（你煮嘢OK？）我今（昨）晚就煮。（煮咩？）打邊爐！」她自言廚藝未算特別叻，但母親未能一嘗她的手勢：「屋企人會喺27號慶祝，約咗佢哋一齊睇《實習天使》大結局。（你煮？）唔會，成家人食飯都有成20幾個，煮嘅話都大費周章。」

C君錄Message送暖

而農夫的C君透露有見香港人每逢節日愛發一樣的內容給他，故他用另一種方法送暖：「我好有誠意咁每人都錄段Voice Message，阿Sa（蔡卓妍）講完多謝之後十二點幾同我講公事，許志安就覆番佢嘅歌詞畀我。」他又爆薛凱琪回贈唔識笑的笑話。而將缺席新城頒獎禮的他們更坦言沒資格出席：「有兩年冇去任何頒獎禮，你都冇份競逐點會去？」

黃夏蕙Amy爭食榴槤

另一邊廂，黃夏蕙、艾美琦（Amy）、李美琪（Monnie）和何遠東昨日在灣仔會展出席冬日美食節「榴槤BB」活動。問到是否榴槤愛好者，夏蕙BB自言不會忍口：「一個都唔夠，最多可以一次食兩個！」又指榴槤夠補身，而契女Amy亦笑言經常與契媽爭食。至於Monnie則大爆哥哥曾害怕榴槤味而藏在枱底，最後被爸爸以100蚊利誘屈服，更一試愛上。

文：音樂組　

攝：李柏儒