「娛圈情侶」方力申及鄧麗欣（Stephy）前晚與導演葉念琛出席電影《紀念日》首映，Stephy身穿低胸裝晒排骨胸，豁出去晒女人味！雖然面對《星球大戰：原力覺醒》及《葉問3》夾擊，但小方表示未感壓力：「希望大家都好，又唔係諗要贏對方，幾套都係系列電影，但我哋呢個形式就係最後一次，亦係同期唯一一部愛情片，大家要睇喇！（下次再合作要好唔同？）係啦！劇情都結埋婚，好難再拍都市喜劇，或者拍《人鬼情未了》、《聊齋》嗰啲！（目標票房？）過一千萬啦！」而太陽娛樂文化高層黃栢高（Paco）對票房亦有信心，提到公司老闆周焯華高調拖名模Mandy Lieu，有指老婆Heidi嬲爆提出離婚，他尷尬地說：「唔識答。（周生幾時返港？）唔知。」

身穿低胸裝的Stephy有男友方力申傍實，唔怕走光啦！

Paco對電影票房充滿信心。

李麗珍及邵仲衡久別重逢，孖住出席活動。