早於拳賽中相識的陳鈺芸（JuJu）及布偉傑日前學調聖誕特飲，歡度佳節！全程熟手的JuJu透露前度男友曾為她調酒，現時仍然單身的她自認愛為伴侶送驚喜：「我拍拖都鍾意整驚喜畀男友，可能炮製特飲畀佢！」而布偉傑則大爆一年前決定戒酒以保健康，聖誕會為女友炮製聖誕大餐。

JuJu鍾意炮製驚喜畀男友，果然有心思！

JuJu及布偉傑學調製聖誕特飲，慶祝聖誕！

羅霖將於聖誕節大搞派對，與兒子歡度佳節！

至於「美魔女」羅霖終於等到聖誕節有一天假期，得知長子會從美國返港的她準備開派對慶祝。提到只有一天假便不能多陪兒子，她笑說：「佢都大個仔，19歲喇！唔使我陪，我都係陪佢買嘢食！（你負責畀錢？）咁都開心呀！」她又回想起三名兒子小時候過聖誕：「佢哋都好天真，真係以為床頭掛隻襪，入面啲禮物係聖誕老人送。」問到兒子可會送她禮物？她大讚三名兒子都會有表示，問到是否送吻？她說：「有！由細到大都習慣晒，有時喺外國翹住大仔出街，啲人以為我哋係姊弟！」