聖誕將至，曾自爆獲天王郭富城細心按腳的性感女星「仙樂都」吳堯堯大為感觸，眼見城城與上海女模方媛打得火熱，令單身的她希望「破Dry」盡快拍拖，尋回初戀感覺！ 文：影視組

仙樂都身穿性感聖誕裝拍照，大騷三吋事業線！

布睎尤玩開自由搏擊，唔怕色狼埋身！

向來是工作狂的仙樂都突然有拍拖衝動。

布睎尤自爆鍾意在聖誕節夜蒲狂歡。

性感女星「仙樂都」吳堯堯（YoYo）向來是工作狂，過去幾年的聖誕節都選擇開工，最近又忙於推出新歌及拍廣告的她，日前趁空檔拍攝一輯聖誕女郎噴血照，大騷驕人D Cup身材！

方媛拖手照又晒愛

但當想到聖誕節身邊人都一雙一對，曾傳緋聞的天王郭富城早前更公開認戀上海女模方媛，令她大為感觸，也頓起戀愛念頭，她說：「天氣凍咗，想有人畀溫暖我！突然有拍拖衝動，想收吓花，搵番初戀嘅感覺，舊年都有人約我過聖誕，但寧缺勿濫，唔啱心水都冇用。（擇偶條件？）陽光男，笑容好Sweet，見到佢即刻冇晒壓力就好！」她透露今年聖誕將在冬季購物節做義工行善，一樣很有意義。而「城嫂」方媛近日在微信朋友圈上載一張男女拖手相做背景圖，與城城自爆戀情的拖手照相似，繼續晒愛！

自誇酒量掂未醉過

而另一位索模中葡混血兒布睎尤（Raico）亦穿上Hot爆低胸紅裙迎聖誕，她表示愛與友人開P或到中環夜蒲慶祝，身材火辣的她原來屢遇狼爪，曾在夜店被男士扮醉熊抱及強吻：「唔少男士趁佳節想灌醉女仔佔便宜，好彩我酒量算好，通常佢醉我都未醉，但聽過有啲女性朋友真係畀人侵犯！」問到可有幾招防狼？她說：「量力而為，唔飲咁多，最好有信得過嘅男士護花，另外我有玩開自由搏擊，識少少防狼術！」