歐陽震華(Bobby)前晚與胡定欣及呂慧儀(長腳蟹)等為新劇拍攝走火警戲,面對身材豐滿的長腳蟹以性感睡衣上陣,Bobby即直言明(目及)未驚過!

身穿睡衣的Bobby與一身水電工裝束的胡定欣認真對戲,相映成趣!

長腳蟹自爆在家會着更薄的睡衣,老公一定好開心!

一眾《一》劇演員拍攝走火警場面,個個七情上面!

劇組拍攝火警戲,令現場煙霧瀰漫。

歐陽震華、胡定欣及呂慧儀等前晚為新劇《一屋老友記》拍攝走火警戲,期間有街坊不滿現場煙霧瀰漫,令家居受波及,紛紛落街向劇組了解,劇組即向街坊致歉。一身睡衣造型的Bobby大爆長腳蟹埋位時將「除剩一件」,但着大家不要期望過高,問到是否大飽眼福?他笑說:「未睇過女人咩!最怕偷睇呢啲嘢,明睇就唔驚!(走火警要跑樓梯?)要呀!咪當做運動囉!不過係被迫。」

提到資深演員鄺佐輝病逝,他大讚對方是司儀界人才:「年頭拍《東坡家事》外景時見佢同太太散步,當時精神幾好,同普通人冇分別,仲有講有笑,但突然話佢癌症復發,好可惜!希望佢家人節哀順變啦!」

定欣晒肌唔晒線

而出爐視后定欣對於打扮不及同劇的長腳蟹性感,她笑指劇中不會有性感造型,問到操得一身線條豈不是很浪費?她笑說:「都係做番平平無奇得喇!今次騷肌肉,唔騷事業線,好似着背心換燈膽,不過要廠景先得!」提到好姊妹胡杏兒將於下周一結婚,她笑言心情比自己結婚還緊張:「12月有好多喜事,尋晚先同爸爸慶祝60大壽,總之我哋姊妹準備好!(諗好點玩新郎未?)交畀胡蓓蔚啦!過到佢嗰關乜都得,開門利是夠就乜都唔使鬥!」

閂晒窗着薄睡衣

至於長腳蟹則直言其睡衣造型已很性感,問到平日在家中穿甚麼款式睡衣?她說:「薄啲,喺屋企閂晒窗OK!」而大隊拍至深夜時分仍未完成,以致Bobby面露疲態,不停捽眼。

文:影視組