黃秋生榮登視帝，前晚經理人公司英皇為他舉行慶功宴，老闆楊受成送上金元寶，又有出自國畫級大師手筆的「三元及第」字畫贈興，秋生笑言未來要向奧斯卡獎項進發：「其實之前都傾過《星戰》，不過同舞台劇撞咗期。」至於未來工作動向，他說：「想出書，個名叫《我的戰鬥》，講吓入行以嚟嘅軼事，同埋好多年前喺台灣被封殺。（繼續幫無綫拍劇？）初步接觸過。（兩個囝囝有咩表示？）傳咗張相嚟，話『You are the best』咁，會同佢哋食飯慶祝。」

秋生獲贈金元寶及字畫贈興，笑逐顏開。

潘燦良（左起）、蘇玉華、吳雨、黃秋生、楊受成及霍汶希，前晚一同出席慶功宴。

他又自爆台灣藝人黃安拿他與舞台劇拍檔灌錄的歌曲來大做文章：「話我支持政治運動，首歌6月錄，係紀念我哋一班嘅合作，但運動9月先開始。佢起碼要道歉，事實同時間性嘅嘢冇得呃人，公司已經出咗律師信喇。」想不到黃安昨日回應：「我道歉你個屁。」秋生聞言即回覆：「咁我唔回應喇，交畀律師同佢講啦！」