文凱玲（Connie）於新片中與何浩文「床戰」，二人滿意效果，不過最終監製王晶一聲令下要「Take Two」，又因「越界」搞到變成III級片女星。而Connie日前拍攝電影海報再次挑戰性感極限，僅以手遮胸。

文凱玲與何浩文在片中床戰連場，最後被列為III級。

在片中不乏大膽演出的鍾采羲，大讚文凱玲表現出色。

文凱玲與何浩文拍攝終極性感海報時十分緊張。

文凱玲為新片終極大解放，認真搏命！

林莉嫻（左起）、鍾采羲、唐紫睿及文凱玲身材出眾，各具美態。

女星文凱玲與何浩文在王晶監製的新片《鴨王2》連場「激戰」，其中一場激情戲Connie要背部全裸，二人出盡渾身解數演出，可惜最終王晶力臻完美，要求重拍這場戲，由於大膽度倍增，電影由IIB變成III級，令Connie相當吃驚：「本來同父母講係II級片嘛，唔知佢哋介唔介意。」

拍攝緊張狂食

談到拍攝過程，Connie說：「好緊張，拉住何浩文傾偈先冇咁驚，拍完後成個人放鬆晒，食咗好多嘢獎勵自己，點知要重拍，即刻諗點樣可以極速收身，呢個係好大嘅壓力。」至於拍攝終極性感海報，Connie笑言動作生硬：「始終好少影呢類相，好彩嗰日同拍檔鍾采羲（Iris）同唐紫睿（Hazel）一齊影咋！（性感度拍得住當年邱淑貞喎！）我都好欣賞佢，之前都有特意睇番佢嘅作品。」

Connie不擔心別人拿她與有份參演的「新晶女郎」林莉嫻比較：「鍾意比較人之常情，但我相信王晶嘅眼光，佢簽嘅女仔每個都定位唔同。我覺得林莉嫻係個勤力嘅女仔，身形亦好靚。」

獲讚性感尤物

對於突然躋身III級片，Iris表示不介意，她與Hazel更異口同聲大讚Connie今次表現。Hazel說：「Connie係一個會令男人有遐想嘅性感尤物，比起第一集嘅袁嘉敏有過之而無不及，好叻女。」

現年33歲、擁有33C索爆身材的Connie，入行前曾任空姐，2010年參選港姐打入八強，其後加入電影圈，去年被王晶睇中成為力捧的「晶女郎」。據知Connie聽教聽話又肯性感演出，在多部電影都有發揮機會，在《唐伯虎衝上雲霄》中的全裸露股沖涼戲更令她成功彈出。此外，Connie更花逾30萬元與友人在中環開餐廳做老闆，早前更被《好報》拍得為餐廳仆心仆命，搬貨抹燈一腳踢。

文：影視組