藝人洪永城、姚子羚及吳若希等，昨日到一間中學捐血宣傳劇集《實習天使》。聖誕節將至，洪永城透露會與女友唐詩詠食飯慶祝：「準備咗驚喜，希望佢鍾意啦！（親自下廚？）我都想，不過籌備時間比較少。」至於首年與男友慶祝聖誕的岑麗香要在工作中度過佳節，屆時只可透過視像與男友見面。

洪永城捐血時瞌埋眼扮暈，借啲意要香香貼身照顧！

吳若希大受歡迎，不時被學生圍埋集郵！

此外，對於好友龔嘉欣被緋聞男友吳業坤的粉絲人身攻擊，姚子羚說：「可能佢哋太錫吳業坤，其實佢哋感情好好，畀啲空間啦！（佢哋襯？）佢哋個樣都好Cute，好襯！（推波助瀾？）感情事冇法幫，佢哋可能真係姊弟情呢！」而吳若希被指與無綫加簽5年合約換獎，她坦言感委屈，認為個人努力被抹殺，再問到奪得「金曲金獎」可擔心引起汪明荃不滿？她說：「相信唔會，如果喺言語上失誤令大家唔開心，會講聲唔好意思。」