梅艷芳的遺物拍賣昨日結束，作為徒弟的譚耀文坦言很無奈：「演藝人協會盡咗最大努力諗住協商，開出晒條件同要求，但佢哋（信託公司）冇覆機。」他坦言毋須介懷無情及漠視聲音的人，又感激演藝界及歌迷為阿梅發聲。他希望正如曾志偉所說，有關方面能補發阿梅的獎項，待他日籌備紀念館放置。而他得悉演藝人協會以155萬投得新秀獎座後，透過電話回覆：「好感謝志偉哥、演藝人協會同歌迷會團結努力，冬至呢一日更加溫暖。」

譚耀文期望他日能設立紀念館，展出師傅的獎座。

而「新秀」出身的梁漢文（Edmond）當日得知大師姐梅艷芳遺物再被拍賣時，曾提議新秀同學夾錢競投「新秀」獎座，身在日本的他得悉獎座截標價高達155萬元時說：「當日第一時間聯絡咗演藝人協會，都有同秘書長張崇德講咗，作為師弟真心想做啲嘢，亦知道一定有人抬高價。（新秀獎賣155萬？）如果去到咁高價錢，就算我願意付出幾多都好，我都唔識同其他兄弟交代或處理。」他後來得知高價投得新秀獎座的神秘人是替演藝人協會出手時，立即大叫：「安樂晒！」並表示願意夾錢。