歌手何韻詩昨日為演唱會綵排,對於師傅梅艷芳遺物的公開拍賣昨日結束,她直言沒留意報道:「比較難答,我覺得獎項係身外物。」她表示不清楚基金會運作,但認為拍賣物品自有原因,大眾毋須將思念放在獎座上。提到梁漢文曾表示有意召集新秀歌手夾錢競投阿梅的獎項,她指對方沒致電她,亦覺得沒必要:「如果有錢就捐咗佢,佢嘅成就唔係喺個獎度。」問到會否覺得拍賣阿梅的私人物品欠尊重?她說:「唔識評論。(當年佢有冇送嘢畀你?)送咗啲精神畀我,冇喺佢身上攞到物件上嘅嘢,我覺得係身外物,亦覺得佢唔在意嗰個獎項。」這段訪問上載至網上後,她隨即被網民批評無情!

何韻詩認為獎項只是身外物,對拍賣一事表現淡然。

黃秋生希望投標者好好保存獎座,以示對阿梅的尊重。

至於黃秋生一直有留意梅艷芳遺物被公開拍賣一事,他認為此舉有損阿梅尊嚴,亦欠尊重,而得知阿梅的新秀獎座最終以155萬元截標,他說:「好在拍賣到百幾萬呢個價錢,如果拍賣到底價,係對藝人嘅侮辱。」他坦言不清楚誰人投得此獎座,但希望對方好好保存:「呢個係對藝人嘅一個尊重。」