十分重視聖誕節的模特兒Lea T.，化身性感聖誕女郎，騷胸又晒長腿提早應節。每年聖誕必回老家斯洛伐克與家人度過的她，因母親及妹妹今年來港，一家人首次在港歡度佳節。Lea透露已安排好節目及禮物：「媽咪想去睇大佛，細妹要去主題樂園，我仲買咗珠寶首飾畀媽咪，同好多衫畀妹妹，雖然用咗唔少錢，但一年一次冇計。」其母將帶家鄉傳統聖誕菜式來港，令Lea大為期待。

Lea T.表示媽咪和妹妹由斯洛伐克來港度聖誕，她開心得豪送珠寶首飾和衣服。

Lea自爆小時候以為真的有聖誕老人，每年也會寫信給他，直至十多歲才停止。談到家鄉習俗，她說：「我哋係好虔誠嘅天主教國家，聖誕當日直至晚餐前都唔可以食嘢，家庭主婦一整日都要忙住準備晚餐，到晚餐時間就可以食嘢同拆禮物，凌晨12點就去教堂慶祝。當地嘅聖誕節好凍，有好多靚嘅雪山，聖誕我哋多數會滑雪。」去年透露有男友的Lea自爆已甩拖，更不介意沒有男友陪過聖誕：「依家單身都好開心。」 場地：時代廣場