張栢芝日前到上海出席時裝界盛事，與韓國男團CNBLUE成員鄭容和並排而坐，獲封女神與男神。栢芝分別穿粉色喱士晚裝和藍色Deep V晚裝，盡顯弗爆身材。她自爆為着靚衫不惜空肚上陣：「套衫真係好靚，肥少少都冇可能着到，頒獎禮當日我只敢食早餐，中午之後冇再食（口野），怕個肚腩仔會走出（口黎），哈哈！」

栢芝舉V扮Cute與鄭容和合照。

粉絲遞上電影DVD，栢芝親民地逐一簽名。

栢芝穿透視低胸裝出席活動。

栢芝昨日風騷返港，步出禁區後，粉絲即上前遞上其主演的電影DVD給她簽名。心情大靚的栢芝親切簽名，並報以微笑，但當粉絲再遞上厚厚一疊相給她簽時，她即反問：「咁我點畀番你？」最後她以趕時間為由離開。