太陽娛樂集團老闆周焯華大前晚高調會合產後首度回港的名模Mandy Lieu，還在眾多記者面前公開拖手，這「世紀一拖」即引起老婆陳慧玲（Heidi）極度不滿，有感不被尊重，一怒之下嗌離婚。Heidi怒氣未消，原定昨日一家人齊飛往日本過聖誕，最後她缺席未有同行，只見周焯華與一對子女現身機場。另一邊廂，Mandy是次由倫敦返港，原來是與囡囡回來，但為免曝光，她抵港後與女兒分道揚鑣。前晚有人目睹她無懼寒風，抱着B女在銅鑼灣行街，完全懶理Heidi嗌離婚一事。

周焯華對有關家庭的提問未有回應。

周焯華與子女現身香港機場，透露前往日本。

大仔護實細妹

周焯華昨晨8時許，與大仔周柏豪及二女周梓潼齊現身機場，同行未見Heidi蹤影。周焯華全身黑色裝扮，沒有回應記者的提問。見到數十名記者不停影相，為免子女過度曝光，他即喝停說：「唔好行埋嚟，夠喇，影夠就走，唔好影細路。」入閘前，問到是否去日本，周焯華開口表示：「係。（係咪要處理家事先？）冇嘢講。」而大仔對妹妹愛護有加，一直拖住妹妹，問到父母是否離婚、有沒有影響心情？兩兄妹均沒有回答，之後隨父親加快腳步，急急入閘。

記者曾多次致電Heidi，卻一直未能聯絡上，而其好友兼陳山聰大嫂李碧君（Sophie），昨日在網上留言，文中雖然沒有提到任何人，但似乎意有所指，力撐Heidi：「真正的美不是高不可攀，無瑕無疵，而是經過歲月琢磨後那種歷練轉化，被苦難衝擊後的堅毅不屈，最後雖然千瘡百孔仍笑看風雲，才是經得起風霜打磨的美。」

Heidi留港與友共聚

昨日黃昏時分，記者致電Sophie，她透露剛與Heidi見面，問到Heidi有否提離婚一事？Sophie說：「我哋未傾到呢啲，都係講吓小朋友，閒聊吓。（佢冇去日本，係咪仲嬲緊？）佢之前都冇特別講話會去，有時呢啲Family Trip都會分開去，唔係咁出奇。」

另外，劉浩龍昨日現身聖誕溜冰慈善活動啟動儀式，對於公司老闆周焯華的太太嗌離婚，他表示不知道，加上又是別人的家事：「仲要係老闆，我哋做細，冇乜特別嘢講。」而他透露聖誕節要工作，之後會與女友容祖兒慶祝，但未準備禮物，問到可會期待祖兒自製禮物如織頸巾？他即耍手擰頭：「我怕拮嘅嘢，唔着冷衫，又唔戴頸巾。」