《勁歌金曲頒獎典禮》將於明晚舉行，據知張敬軒將成功冧莊奪得「最受歡迎男歌星」，無綫「親生女」鍾嘉欣則因未能出席頒獎禮而捧蛋。文：音樂組

據知張敬軒將冧莊奪取「最受歡迎男歌星」，可喜可賀！

鍾嘉欣去旅行冇獎攞，梗係喊晒口啦！

無綫特別為入行40年的阿Lam增設獎項。

周柏豪及連詩雅優秀選有得獎歌，但因未能出席同樣捧蛋。

無綫《勁歌金曲頒獎典禮》明晚舉行，據知容祖兒在零對手下將第11度奪得「最受歡迎女歌星」，軒仔則成功連任「最受歡迎男歌星」，其他得獎歌手還有泳兒、洪卓立、馮允謙、吳若希及鄭俊弘等，幾乎由英皇及星夢娛樂兩間唱片公司瓜分所有獎項。無綫多年來奉行「唔到冇獎」政策，即使「親生女」鍾嘉欣都冇面畀！她的Hit爆歌曲《一顆不變的心》點擊率非常高，但因已定行程陪家人旅行，故今年再度缺席頒獎禮，無綫為了一視同仁，嘉欣自然要食白果。

周柏豪唔到冇獎

跟無綫關係友好的華納唱片旗下的周柏豪及連詩雅在第一、二回優秀選時都有得獎歌，本來是大熱的二人卻因有工作在身而未能出席，最終同樣捧蛋。柏豪昨晚出席微電影首映時說：「因為拍廣告去唔到，頒獎禮以往1月搞，今年改咗12月搞，有獎攞我都想，但冇計。」

據知當晚無綫邀請了殿堂級歌手林子祥（Lam）出席頒獎禮，今年適逢阿Lam入行40載，無綫特別為他增設「樂壇榮譽貢獻大獎」，表揚他多年來在香港樂壇的貢獻。