昨日《好報》爆無綫集團行政總裁李寶安下令重整戲劇組，他昨日受訪時指現時重點落在創作及製作方面，又大讚杜之克是人才：「杜之克會加強藝人管理同資源，做有關藝人協調，盡量唔重疊藝人出鏡率。」杜之克首要任務是將早前因心灰離巢的陳國邦斟回巢，並安排他與黎耀祥及毛舜筠合作明年二月開拍的全新處境劇。而曾多次公開批評無綫製作的鄧萃雯，據知余詠珊亦為她度身訂造角色，擔正新劇《不懂撒嬌的女人最苦命》利誘回巢。

曾拍攝《大太監》的陳國邦受無綫誠意打動而決定回巢。

馬國明未知是否接拍《使徒行者2》。

無綫正為鄧萃雯度身訂造角色，利誘回巢。

被指吃「回頭草」的陳國邦說：「我唔係同無綫鬥氣，當時我辭職係因為應當時心情！但呢刻我得到咁好嘅待遇，又有咁想合作嘅毛舜筠同黎耀祥，無綫又好有誠意……我呢一刻想返去做咪簽番囉！（離開兩個月就返去？）回巢過程都幾曲折，杜生第一個搵我，而毛舜筠同曾勵珍都有搵我！（加人工？）少少啦！」

而馬國明及楊怡亦隨余詠珊得勢而受力捧，提到將於明年拍新劇《使徒行者2》，馬國明笑說：「公司未通知我喎！依家拍緊《廉政行動2016》拍到2月打後。」