前輩歌手尹光前晚舉行《尹光唱盡粵語流行曲歌壇演變史演唱會》，他透露為帶來新鮮感而選唱11首新歌，記歌詞對他而言充滿挑戰性：「喺樂壇幾十年，我敬業樂業，無論企喺度定瞓喺度都記歌詞，記咗幾個月！」
尹光跳跳紮，唱到手舞足蹈！
張敬軒早前在內地演唱會獻唱其金曲，尹光表示非常渴望與軒仔合作：「十幾年前喺蔡國權活動上同佢合作過，佢把聲好靚又唱到高音，當時都叫佢努力。今時今日軒仔咁紅，今次都有問佢做唔做嘉賓，不過佢冇期。」
