昨日是入冬以來最低溫的一天，前港姐陳庭欣卻穿露臍裝為節目拍攝片頭，成為全場焦點，令密實上陣的苟芸慧大為失色！

同樣是香車配美人，但陳庭欣晒纖腰搶鏡，令密實的苟芸慧大為失色！

苟芸慧

苟芸慧（左起）、莊思敏、陳庭欣及江美儀落力Chok甫，為新節目拍攝型格片頭。

無綫藝人陳庭欣（Toby）、苟芸慧、莊思敏及吳家樂等，昨日為無綫J5新節目《夢想車華》拍攝片頭，穿露臍裝的Toby大晒纖腰，比打扮密實的苟姑娘性感得多！她自言每年都到澳門睇莊思敏賽車，吸取經驗後才決定作此打扮：「我發現咁着先有人睇、有人理！」她有意落場比賽，更笑稱甚有天分：「我係聽聲停，應該都Okay，遲啲可以搵莊思敏做師傅！（你手車辣唔辣？）個人辣，但車就一啲都唔辣！」她又自爆曾獲男生以跑車接送，但否認是緋聞男友翟威廉，更嘲笑「男友」不識路，更不懂打開車頭蓋！

儲私己錢買跑車

另一邊廂，對於被性感上陣的Toby搶風頭，苟姑娘笑說：「我個頭亂，但好自然，又有狂野一面，相信大家嘅Focus會喺車度！」愛上賽車的她希望努力賺錢買新車：「依家都撳住自己盡量唔會亂使錢，希望攞多啲經驗，再揀部適合我嘅車！（想買跑車？）想呀！但要考慮埋將來父母嚟香港，要方便老人家。」

莊思敏否認鬧交谷戲

另外，提到老闆蕭定一指她與王宗堯的罵戰只是宣傳伎倆，莊思敏否認：「老闆左右做人難，我理解佢點解會咁講。事實係點我好清楚，希望件事快啲完結，咪再問太多人，令大家難做！」

文：影視組