有傳吳若希今年將憑《眼淚的秘密》熱爆歌冧莊勁歌「金曲金獎」，不過據業內人士透露獎項仍存變數，皆因在唱片公司有「重新得寵」的鍾嘉欣，以及有人欲以「金曲金獎」對失意視后的汪明荃作「補償」，故吳若希冧莊「金曲金獎」非十拿九穩。

吳若希否認在台慶頒獎禮致詞時暗寸汪明荃。

另外，吳若希昨日出席電視劇《實習天使》的宣傳活動時，被指奪「最受歡迎劇集歌曲」致詞時，有暗寸汪明荃之嫌，她說：「冇呢個意思，冇寸阿姐（汪明荃），我言語唔清晰，我意思係今年有兩首鍾意嘅歌，一首係阿姐嘅『經過那些年』（《華麗轉身》歌詞），另一首係鍾嘉欣嘅《一顆不變的心》。」她不擔心汪明荃誤會，因對方也有恭喜她得獎，對於網民撐汪明荃在《勁歌頒獎禮》得獎，她讚好，覺得每首歌都有其價值，亦會有愛好者。