藝人游學修與女友蘇麗珊前晚穿情侶裝出席電影《星球大戰:原力覺醒》慈善首映禮,合照時兩人不避嫌搭膊頭兼攬腰,相當大方。游學修指事前沒有與女友「夾衫」出席,對於被指心有靈犀,他害羞地說:「你哋鍾意點講就點講啦!」問到近日工作是否大增?游學修笑說:「之前我冇工作,所以相比之下反差好大。(收入大增?)之前冇收入,可以話多咗。(女友掌管財政?)我冇錢畀佢管。(女友啲錢畀你管?)未至於。平時行街食飯都係邊個得閒邊個畀。」提到早前被指推工作,蘇麗珊表示一向由經理人負責,她亦不清楚,反而收到很多朋友短訊表示相信她的為人,感到窩心。而同場的蔡瀚億表示有儲毛公仔,薑餅人更是其首選。

游學修和蘇麗珊齊齊着灰色衫睇戲,仲唔係心有靈犀?

陳奐仁即場揮劍。