o靚模馬嘉韻（Mars）曾參與電影《壹獄壹世界》宣傳活動，接張建聲（Justin）棒加入「實況踎監體驗有錢派」遊戲。對於今次Mars慘被偷拍更衣及於網上流出「露三點」裸照，《壹》片所屬電影公司的老闆蕭定一昨日稱對事件不知情，又不排除日後再與對方合作：「我喺電影宣傳見過佢一次，唔知呢件事，亦冇睇過佢啲裸照。印象中佢係好努力嘅演員，公司有工作機會都唔排除再搵佢。」

馬嘉韻曾接張建聲棒「踎監」。

蕭定一表示不排除日後再與馬嘉韻合作。

至於與Mars有合作之緣的Justin表示，若女生發生此等事情一定不開心，故他希望Mars思想保持正面，事情亦盡快離她而去。另外，Justin日前在網劇中與前輩林俊賢鬥戲，被對方擊敗的他要表現出癲癇症發作，反眼抽搐兼倒地，他表示是演技大挑戰：「呢場咁激烈嘅戲我好鍾意，好似武俠片過招，大家拗到面紅耳赤。難得有機會同林俊賢做對手戲，我喺佢身上學到好多，已經值晒。」