狄易達前晚在九展開騷，獲台灣女友吳亞馨、家人、蔚雨芯和羅力威等到場支持。當晚達仔大跳大唱，做出單手倒立等動作，又跟女舞蹈員跳雙人舞，邀得周國賢和前組合EO2等擔任嘉賓。期間達仔在台上用普通話向女友發表愛的宣言：「昨天是我們一周年，我們不多機會見面，但感謝你從來都很堅強面對想念，感謝你的支持。」尾聲達仔更感觸流淚表示擔心以後冇機會唱歌，希望下次開騷再見到大家，女友亦感動落淚。

狄易達向女友吳亞馨示愛，兩人更雙雙落淚。

受訪時達仔表示為準備演唱會跟女友一個月沒見面，連拍拖一周年也未有慶祝：「佢付出好大，等我做鍾意做嘅嘢，希望下年年頭同佢去旅行。」本月21日生日的他屆時又要工作：「又要佢等。（快啲娶佢唔使佢等？）我會努力啲，佢都想我呢幾年努力工作，佢好好，係100分！」