郭晉安、萬綺雯（蚊蚊）及王浩信等昨日出席新劇《致命復活》記者會，安仔的深山大野人Look搶盡焦點，減了20磅的他說：「仲要減5、6磅，呢個妝花咗3個鐘。（TVB考驗你？）可能認為我Handle到，3月中會去越南拍外景。（劇中多小三？）但佢哋都冇好下場，至於親熱戲點拍，到時至知。」

深山大野人打扮的郭晉安與萬綺雯攬攬，十分搞笑。

蚊蚊稱會增肥襯安仔：「佢拍《老表，你好hea！》係長髮但後尾會剪，佢一套比一套想試我有幾愛佢！唔知下次咩Look？我肥咗4磅，增肥啲，想顯得安仔瘦啲，其實角色需要，我都可以好似佢咁嘅造型！」

王浩信未能捧走《萬千星輝頒獎典禮2015》「最佳男配角」，他說：「少少失望，因之前好想攞！但我喺《致》劇幾有發揮，會玩極限運動、攀崖，現實中我畏高，所以要冒險！（要晒身材？）應該要，呢幾年冇啖好食，但安仔減20磅，我都要誠意配合！」