最後一集的《巨星放題》，戰況激烈！今集決賽Round 2，連詩雅、周秀娜、陳瀅及楊詩敏大激鬥，上集由Shiga以兩題半領先，其餘三位只各答中一題。今集有三條終極難題，第一題IQ題先由「Dr.吹神」陳奕迅（Eason）發問：「『天空之城』猜香港一個地方？」四女聞言即動腦筋，Shiga和蝦頭都想到答案是大玩食字的「堅尼地城」，開估時Eason更發揮生鬼本色，即場彈起，親身示範何謂「堅尼地城（堅離地城）」，相當爆笑！

Shiga與周秀娜絞盡腦汁解題。

周秀娜

第二題則由「Miss Kay」謝安琪發問：「真係好難，我知呢題係有難度，唔畀Tips猜一位荷里活巨星？」聽到題目的四人當堂諗爆頭，蝦頭一臉茫然：「問完啦？」結果由Chrissie猜中答案又是大玩食字的「畢彼特」（Brad Pitt），Kay開估後蝦頭和陳瀅仍問：「點解呀？」而最後一題三合一冷知識則由「Professor Hins」張敬軒問：「手指甲係日頭定夜晚，夏天定冬天生得快啲？五隻手指入面邊隻手指甲生得最快？」這題考起四人，最後軒仔揭盅：「夏天生得快五分一倍，日頭生得快啲，五隻手指甲入面生長速度最快係中指，不過我唔騷畀大家睇！」Shiga和陳瀅完全答中，Chrissie和蝦頭則只答中部分，故當答中半題。

總結賽果，今集Shiga答中兩題，Chrissie和蝦頭答中一題半，陳瀅只答中一題，決賽6題Shiga答中四題半，以大熱姿態登上「放題IQ王」寶座！Chrissie和蝦頭同樣答中兩題半，陳瀅則只答中兩題。大家趕快登入《東網巨星》App，在廣告位置Click入第十集《巨星放題》收看大結局！