韋家雄於無綫廿年，前晚憑劇集《梟雄》奪最佳男配角，宣布得獎一刻，不少演員都為他歡呼及送抱，替他高興，《東網》有關他的得獎報道點擊亦非常之高，贏得《東網》Fans逾萬個Like，比黃秋生的報道還要多。

《梟雄》台前幕後打邊爐慶功。

有獎落袋的姚子羚與胡定欣，在街頭開香檳慶祝。

前晚家雄受訪時表示很開心和會繼續努力，問到會否覺得獎項來得太遲？他即笑說：「唔會，好過唔嚟！」之前秋生曾公開讚他於《梟雄》演得出色，家雄亦指對方一句說話改變了他，身旁的秋生即笑說：「我問佢Canteen喺邊啫！其實佢潛力好大，佢好好，有咁大潛力冇畀人睇到，做咩要左掩右掩？有咩嘢要畀人睇先得，唔好收埋，同埋叫佢平時唔好咁多口。」家雄事後與勇奪「最佳劇集」的《梟雄》一班台前幕後人員慶功，席間他表示想再與秋生合作：「喺秋生身上學到好多嘢，我想請佢食飯同傾吓偈，攞咗男配角獎都一樣，之後乜嘢角色都會做。」

姚子羚自認眼淺

而奪最佳女配角的姚子羚前晚與一班「胡說八道會」的姊妹胡定欣、胡杏兒、黃智雯等慶功，更於街頭開香檳，子羚奪獎後受訪說：「一向眼淺，所以喺台上落淚，因為冇諗過馬來西亞拎完返香港會仲有機會，同班好姊妹一齊喺台上好感觸。」問到會否多謝另一半？人生會否踏入新一頁？她表示沒想太多，又指男友事前表示不用多謝他。