待嫁新娘宋熙年與未婚夫陳智燊訂婚後，昨日首次為婚紗騷擔任模特兒，她表示感覺像在預演自己的婚禮，又笑言不用穿性感婚紗騷身材，未婚夫也知道是他「執到」。文：名人組

首次行婚紗騷的宋熙年，坦言一直準備做個好太太。

楊埕擔任化妝活動模特兒。

唔畀未婚夫揀婚紗

宋熙年透露已開始為自己物色婚紗：「細個鍾意好多層次、有魚尾，今次覺得簡單款式都啱我，我唔係太高。（着性感騷Quali，等未婚夫知道佢執到？）佢係咪都知自己執到喇！健康性感，我唔介意性感，但唔好太過性感，想Timeless啲，唔想第時80歲睇番會覺得『嘩，做咩呀？』」她又指未婚夫不會不准她穿性感婚紗，而她亦不會讓對方參與揀婚紗：「我有個圈外朋友同埋高Ling（高海寧）都有陪我。我要留到行禮先畀Jason見到，想畀驚喜佢！（你有冇幫佢揀禮服？）佢有問我着咩色、咩款同埋換唔換衫，我哋兩個對衣着都好有主見，我有畀意見，但係都係留畀佢自己發揮。」

食白松露慶生

而愈來愈瘦的她表示想增肥：「Fitting時覺得身形縮水，呢兩個月特別忙，同埋我做司儀就會緊張，等過埋年尾想肥番少少。奶奶鍾意新抱肥肥白白，到時瞓番多啲同食多啲。（未婚夫有冇話你瘦？）佢成日見住我唔覺，我哋有一齊做Gym。」此外，宋熙年昨日在微博上載與Jason慶祝生日的相片，Jason以老妝示人，她表示要看着對方變老。她又在Instagram上載慶祝Jason的生日照，相中她正品嘗白松露。

另外，有「清純栢芝」之稱的退選港姐楊埕，擔任化妝活動模特兒。對於出戰國際小姐比賽但落敗，她說：「每日都唔知第二日要做啲咩，要到當日先知，好神秘，好有挑戰性。」