曾志偉林國斌叫停:夾錢買番
信託公司近日在網上拍賣已故巨星梅艷芳(阿梅)的獎座,甚至貼身內衣褲等遺物,梅媽(覃美金)、徒弟譚耀文及歌迷都大感心痛,認為阿梅受侮辱!以曾志偉為首的演藝人協會決定出手相助,保留阿梅的遺物,阿梅的舊男友林國斌昨日透過電話回應事件:「好似畀人抄家咁,係咪人嘅所為?依家我同志偉佢哋,希望可以阻止拍賣,如果唔得就夾錢買番晒啲獎座同內衣褲。(覺得拍賣太過分?)阿梅走咗十幾年,佢信託基金啲嘢我一向唔理,但冇理由攞埋啲內衣褲出嚟拍賣!唔通我爭你錢,你又攞埋我老婆啲內衣褲出嚟賣?」他又表示嬲到想爆粗。至於演協秘書長張崇德昨日透露志偉正搭飛機趕返港,準備日內召開緊急會議商討事件,現正陸續聯絡骨幹成員。
曾志偉(右)及林國斌出手盡力叫停拍賣,為阿梅挽回尊嚴。
梅艷芳的私物遭拍賣,令歌迷心痛不已。
另外,梅媽昨日向本報記者哭訴,明言誓要競投阿梅的內衣褲、登台Bra Top、新秀冠軍及金像獎「最佳女配角」獎座,她說:「我冇儲蓄,等銀行幫我畀,最多扣埋我啲糧(每月三萬元的生活費)!」她又呼籲歌迷不要抬高價錢:「咪同我搶,我一件阿梅遺物都冇!(可能要使幾十萬?)畀囉!叫銀行畀,最多照扣我啲糧,已經扣到冇得扣,有良心佢就扣囉!」
她又哽咽指家中有一個長期開冷氣的房間,用作放置阿梅初入行的衣服,連阿梅兒時衣物亦有收藏:「單係冷氣費就要幾千蚊,呢D邊個知?我一定要買到,我會叫大孫幫我投!」