周嘉莉充滿童真，家中收藏了不少公仔，最愛的絕對是「Monchhichi」公仔！她笑稱是Monchhichi的忠實粉絲，家中有不少收藏品，包括公仔、文具、毛巾、床鋪及散紙包等。

周嘉莉獲家人送上Monchhichi公仔作為生日禮物，啱晒心水！

除了Monchhichi外，大大隻的鬆弛熊都勁Cute！

周嘉莉有不少Monchhichi收藏品，果然係忠實粉絲！

她最喜歡Monchhichi常以不同形象示人，包括與不同卡通人物玩Crossover，如玉桂狗、Jacob貓等，又有咬着奶嘴的BB造型、運動造型、女僕造型及和服造型等，應有盡有，童心未泯的她說：「啱啱過咗生日，媽咪同家姐花咗成三、四千蚊，送咗兩隻大、兩隻中型嘅Monchhichi畀我，真係好開心！依家佢哋係我新寵，係我目前擁有最大隻嘅Monchhichi公仔！」她笑稱為好好保存收藏品，會為公仔包膠袋：「一來唔想啲公仔封塵，二來屋企隻狗狗鍾意搞搞震，又會咬公仔，我當然唔可以畀佢哋咬我嘅寶貝啦！」