田蕊妮、胡定欣、洪永城、歐陽震華及岑麗香等昨晚在電視城參與第二晚盆菜宴，眾星上台拉票，希望在《萬千星輝頒獎典禮》中脫穎而出，視后熱門阿田揚言對獎項有信心，已叫老公杜汶澤投她一票：「佢唔投？我攞佢電話投自己！」提到頒獎禮戰衣，她笑說：「驚抖唔到氣，總之係靚！（性感？）我不嬲行性感路線！呢兩日都唔食嘢，今晚嚟聞吓咋！」另一視后熱門定欣表示心情矛盾，既想封后又想阿田贏，提到阿田指戰衣「抖唔到氣」，她笑說：「封咗鼻呀？我就做咗運動，有Quota食一粒冬菇。」而陳煒則對奪視后信心一般：「平常心啦！但好多同事排隊同我影相，影成15分鐘，好開心。」而對於有指汪明荃將殺出奪視后，阿田及定欣都讚阿姐實至名歸。

阿田（左）和定欣兩位視后熱門出力拉票。

許廷鏗、胡鴻均和岑麗香等齊食盆菜，好似好好味呀！

岑麗香提名視后，把握機會拉票。

洪永城看好陳展鵬得視帝，又表示只是陪跑。

洪永城在台上笑言攞硬視帝，但事後表示只是陪跑，視帝視后睇好陳展鵬及阿田，有指他升上一線後冇朋友，被拍到獨自開飯，他說：「現場真係冇咩朋友，等我去巴結吓先。（有唐詩詠就夠？）梗係啦！」而莊思敏早前與王宗堯掀罵戰，她透露昨日已向老闆蕭定一交代事件，並會繼續演出原本的角色。