「梅艷芳國際歌迷會」會長蘇小姐昨日接受《東網》訪問，她坦言聽到阿梅的遺物再被拍賣時心情有點低落：「係好無奈！我哋都冇人知，上次拍賣會，有啲阿梅嘅鞋都唔見，我諗今次應該係最後一批物品。」提到今次拍賣會有阿梅的新秀冠軍及金像獎「最佳女配角」等獎座，蘇小姐揚言會盡量投：「今次我哋都會盡量去投，買到幾多就幾多，當然最想投番阿梅有紀念價值嘅獎項，大家都要籌錢，因為上次投啲獎都要集資。」

蘇小姐又表示今次亦會嘗試邀請曾志偉及阿梅老友夾錢投標，問到可會將競投到的物品轉贈梅媽？她說：「其實留一件半件畀佢唔係太大問題，啲獎就比較難，因為唔係屬於個人，如果歌迷會投嘅，都係睇有咩紀念性日子拎出嚟展覽。」

此外，一位資深梅迷Eva亦怒轟此事，希望憑梅迷力量阻止一場疑侵犯私隱的事件，並給梅媽取回新秀獎座及禁拍一些極私隱物品。