今年加盟新公司的何弘軒（Alan）正式脫離獨立歌手身份，儘管已踏入三字頭，但他深信「有心唔怕遲」。他又透露渴望與「關家姐」Crossover，期待親手寫歌唱出姊弟情！

轉投新公司後，何弘軒反而難以適應有人照顧的生活。

何弘軒分享擇偶條件時，強調現時更着重內在美。

何弘軒最想與關家姐合作，皆因她的歌曲陪伴他成長。

何弘軒加盟新公司後推出首輪主打《姻緣石》，藉此分享擇偶條件的改變，開始看重另一半的內在美多於外在，問是否因年紀漸長改變想法？他笑說：「都係，細個要玩都玩晒。（以前啲女朋友都係靚女？）唔係特登搵，只係側邊嘅都唔錯。」然而每次他都遭劈腿以致分手，問到希望另一半是圈外還是圈內人？他選擇圈外人：「矛盾衝突冇咁大，我有藝術家脾氣，兩個有主見嘅會成日嗌交！」

Alan今年從獨立公司轉投唱片公司，問到想與新公司哪位歌手合作？他即興奮地說：「關家姐（關心妍）！讀書年代成日聽佢啲歌，想同佢Crossover。（想合唱定作曲畀佢？）兩樣都想，如果可以同佢合唱首我作嘅就更好，有諗過作首歌講姊弟親情，可能幾Sweet。」

有人照顧難適應

新公司背後有一群工作人員做後盾，對比以前獨自完成所有事，Alan表示要花時間適應工作模式的轉變：「依家先覺得正式成為一個歌手，以前乜都要自己顧。（覺得呢個機會遲？）算早啦！」

文：音樂組　

攝：嚴偉國