盛朗熙錫小方 先向Stephy認錯

娛圈情侶方力申、鄧麗欣（Stephy）及導演葉念琛最近合作新片《紀念日》，延續十年前的《獨家試愛》，片中小方與Stephy飾演結婚十年的夫妻，期間他邂逅師妹盛朗熙（Joy），被後生女讚到飄飄然，小方認為情侶相處之道是要互讚：「好多時一Pair人一齊耐咗就會唔記得讚對方，我平時會搵位讚吓佢（Stephy），讚佢排球打得好！做到十下掌上壓好犀利。（咁佢多數讚你咩？）讚我都幾大食喎！食晒所有嘢唔怕肥咁囉！」提到片中親熱戲，Joy表示有錫小方臉的鏡頭，問到Stephy有否監場？Joy笑說：「冇！其實有啲緊張，好在佢教咗我好多！（怕Stephy嬲？）我有主動認識Stephy，向佢認錯先！」