由「亞視一姐」到無綫台慶劇《梟雄》的「桂生姐」，陳煒都有大家姐風範，今次開正戲路演技大有發揮，難怪今年首次入圍無綫台慶頒獎禮的視后及「最受歡迎電視女角色」兩個獎項而受到注視，陳煒專誠挑選戰衣及試戴逾千萬鑽飾備戰頒獎禮。

戴上鑽飾的陳煒性感高貴。

何國鉦為陳煒度身炮製戰衣。

陳煒小心翼翼試戴千萬鑽飾。

前亞姐冠軍陳煒轉戰無綫年資尚淺，但今年在台慶劇《梟雄》中演黑道大家姐「桂生姐」而受到觀眾喜愛，加上其個性愛照顧別人而很有大家姐風範，因此演技甚有發揮，氣場強勁，難怪今年首次入圍角逐台慶頒獎禮的視后及「最受歡迎電視女角色」兩個獎項。她為隆重其事，專誠邀設計師好友何國鉦設計戰衣，而日前她更試戴荷里活女星莎朗史東曾經戴過的逾千萬鑽飾，她說：「呢套首飾好有星味，出席星期日晚頒獎禮好襯！」

入行代表作

對於今次角逐兩個獎項，她以平常心面對：「《梟雄》係男人戲，我冇諗過有機角逐視后，所以得到觀眾喜愛同肯定我已經好開心，有獎係錦上添花！（戲內外都大家姐風範？）拍戲時所有台前幕後都叫我「桂生姐」，令到我更入戲，而現實中我都好鍾意照顧人，萬歲請食飯都幾平常。（演出過程有冇辛酸？）可能太鍾意呢個角色，05通告都冇乜所謂，好多謝監製王心慰畀呢個機會我演桂生，係我入行以嚟最鍾意，可以話係代表作！」

文：影視組　

攝：劉智源

場地：jFoto　　

首飾贊助：DAMIANI