葉世榮及馬來西亞樂隊異種樂隊主音司徒志輝同是熱愛搖滾樂之人，二人齊齊為《東網電視》最新一集《娛樂onShow》任嘉賓，與主持李文珊（Sherman）大談當年情，提到Beyond合體，世榮更說：「機會一定有！」

主持Sherman今集訪問世榮和司徒，大談二人結緣經過。

世榮（右）和司徒Band友啱嘴形，齊齊在《娛樂onShow》中話當年。

（左起）黃貫中、黃家強、葉世榮、黃家駒

葉世榮與異種樂隊主音司徒志輝相識於1996年，今次《娛樂onShow》請來他們擔任嘉賓，跟主持Sherman細數當年情，世榮亦大讚異種樂隊有毅力，給予他們絕對支持！談到與異種樂隊緣分的起點，世榮說：「1996年Beyond去馬來西亞做演唱會，當時我哋請咗異種樂隊做嘉賓，嗰次係自家駒離開之後第一次嘅世界巡迴，我哋好想提攜新樂隊，搜集咗好多資料，覺得異種樂隊係最好嘅，所以請咗佢哋做嘉賓。」

追幾條街送歌

身為Beyond粉絲的司徒在節目上大爆昔日的瘋狂追星史，他笑說：「每次Beyond一嚟馬來西亞，我哋就追車，甚至有試過自己錄Demo，追足幾條街，將錄音帶交畀家駒，我仲記得家駒嗰陣打開窗，我同佢講係我哋嘅Demo啊！」

重聚並非難事

很多人都關心Beyond會否再次合體，世榮說：「機會一定有，但係重組就比較複雜，重聚絕對唔係一件難事，但係重聚一定要有意義。」世榮亦談到昔日與黃家駒的珍貴回憶，以及與黃家強和黃貫中的關係，想知更多，記得留意《娛樂onShow》啦！

文：專案組

場地：二樓後座