前少女時代成員Jessica、Twins、吳若希及林欣彤等昨日出席頒獎禮活動，穿上黑色吊帶短裙的Jessica行紫地氈時引起哄動，她主動與歌迷握手及簽名，期間歌迷一擁而上險推倒圍欄，嚇得她即時退後，保安衝上前擋住。提到妹妹Krystal傳與Big Bang的T.O.P拍拖，她笑而不回應。林欣彤被問到是否簽約王祖藍成立的公司時說：「對佢好有信心，佢係好叻嘅人。（成為祖藍公司第一位藝人？）唔知。」至於有指她是麻煩人而嚇怕經理人及唱片公司，她說：「三年前可以咁講，但依家唔係，我唔係賣剩蔗。」同場的鍾欣潼被問到當年李泳豪笑她是前世老婆，現對方宣布婚訊，阿Sa搶答：「恭喜佢，又恭喜你（阿嬌）。」阿嬌說：「聽講佢係有咗小朋友嘛，祝佢幸福。（今世緣未續，留待下世？）絕緣啦！」

身穿吊帶短裙的Jessica向粉絲甜笑揮手，引來一陣尖叫。

有粉絲險推倒圍欄想親近偶像，嚇得Jessica頻退後。

Twins手持獎座合照，笑逐顏開！

林欣彤

鄭俊弘與吳若希