鄭中基、日籍女模松岡李那昨日出席《now TV 2016年度第一季節目巡禮》活動，《好報》早前爆松岡與林德信（Alex）的三年情玩完，松岡回應此事時說：「我哋係好朋友，冇一齊過，Never分手，冇拍過拖。」問到單身了多久，她說：「好耐，唔記得。」她承認與Alex間中有聯絡，又否認他黐身及脾氣大。而鄭中基細仔Evan已十個月大，他笑言與太太湊B都很求其：「有咗經驗知道唔使太緊張，連包尿片都好求其，有時隻手仲會掂到屎。有次抱Evan上身，突然覺得暖暖哋，點知係瀨尿瀨到我成身都係。」

鄭中基和松岡李那一同出席活動時表示，為細仔換片時很求其。