名模熊黛林（Lynn）昨日以紅色喱士低胸裙出席活動，問到舊愛郭富城高調晒戀情？Lynn明顯有備而來：「一定睇到，日日都有新聞。（會唔會唔開心佢依家肯公開？）我依家開心就唔會諗以前，以前啲嘢已經唔重要，每個人都有成長經歷。」早前她在網上大晒與男友的情侶鞋被指是反擊城城，Lynn聞言寸爆說：「冇話反唔反擊嘅，呢個（網上平台）係公眾地方，你晒得，我又晒得，大家開心就好。我覺得唔肯定自己係咪幸福嘅人先要同人比較，我依家冇咁嘅需要。（依家好幸福？ ）大家睇得出，從我笑容就知。（因為依家見得光？）哈哈，係終於可以舒舒服服，唔使驚講錯嘢、做錯嘢！」此外，她透露聖誕會偕男友及其家人到日本旅行，問到男友是否Mr.Right？她即暗踩前度說：「都應該係，否則都唔會咁快向大家公開。（Ready結婚？）係，最重要係對方帶到安全感畀你。（之前嗰個冇安全感？）都要睇緣分同性格，但依家呢個就好成熟。」

熊黛林