《東網巨星》娛樂節目《玄學星相》自加推一周播出兩集後，掀起網上玄學節目熱潮，節目內容富娛樂性之餘，亦為網友帶來玄學知識，一舉兩得！最新一集，由堪輿學家陳子才以玄學測字的方法分析幾位大熱人選，看誰能奪得「視帝」殊榮。

寫了「雄」字的秋生似乎心中已無對手。

陳子才指寫「馬」字的馬國明希望馬到功成。

陳子才以測字的方法分析視帝熱門。

陳展鵬早前在新加坡及馬來西亞連奪兩大視帝獎項，在《東網巨星》Facebook推出的《東網民選TV King & Queen》投票活動中亦大比數拋離其他選手，他寫了「鵬」字，陳子才說：「大鵬展翅，鵬程萬里，代表扶搖直上，個意象方面相當好，代表鬥心足。」

而三屆「視帝」黎耀祥就寫了個「新」字，陳子才說：「佢五行屬水，喺乙未年原來佢都有攞獎運，所以呢個『新』字加落去，其實對成件事都仍然係睇好嘅。」而同樣憑《梟雄》入圍的黃秋生則寫了「雄」字，陳子才說：「『雄』代表佢心好雄，同埋有雄霸嘅意思，其實喺佢心目中係冇對手！」

歐陽震華（Bobby）寫了「波」字，陳子才說：「佢覺得係一個遊戲，你畀佢，佢梗開心，唔畀佢都冇乜問題。」而馬國明則寫了「馬」字，陳子才指令人聯想到馬到功成：「呢啲全部都係想成功，唔使問都知佢係想攞啦！」不過他表示馬國明比其他對手蝕底，想知點解，只要Click入《東網巨星》的「視娛樂」，睇《玄學星相》就一目了然！

【http://goo.gl/ZPnUHy】