鄭欣宜、雨僑、張惠雅及張紋嘉合作推出投資120萬打造的新碟，此舉激嬲公司一姐關心妍！有傳她眼見師妹獲厚待，自己卻投閒置散，心灰意冷下有意約滿離巢！另今年約滿的雨僑決意外闖，並暗寸公司資源分配不均！文：音樂組

Jade表示與Neway Star唱片以Project計，還未約滿。

雨僑暗寸公司投放資源不均，簽不簽約亦冇所謂。

鄭欣宜（左圖起）、張紋嘉和張惠雅合作推出新碟《全女打》。

同屬Neway Star唱片公司的鄭欣宜、雨僑、張惠雅（Regen）及張紋嘉（Crystal）合作推出新碟《全女打》，早前本報踢爆欣宜和雨僑爭風呷醋，指有人得寵已令其他三人嬲爆，豈料隨着新碟推出，事件更激嬲公司「一姐」關心妍（Jade），有傳她不滿四位師妹重本出碟，其中欣宜備受寵愛，自己卻被冷待，故心淡的她打算明年約滿離巢！

「親生女」不及外援

現時唱片業低迷，但公司仍揼本製作《全女打》，四人各自有兩首歌，每首歌投放10萬元拍MV，連同製作和宣傳等費用，埋單逾120萬元。而Jade名為一姐，簽了Neway Star兩年，於去年推出有限數製作費的實驗碟《C-12》，今年只派兩首歌曲及舉行一場澳門演唱會！

有指令Jade最嬲的是，身為「親生女」的她竟不及「外援」欣宜得寵，故將於明年約滿的她，現已放風想轉公司。另外，雨僑亦有離心，據知她今年約滿後不想續約，有傳跟公司偏心欣宜有關。

對於快將約滿一事，Jade昨日透過電話回應，言談間似有骨：「未約滿，我同唱片公司啲唱片以Project計，年期短啲人先有錯覺。（呷醋公司揼本為師妹製作新碟？）冇，依家啲歌迷眼睛雪亮，首歌唱成點重要過幾多錢嘅宣傳費。（你冇碟出？）依家市道麻麻，唔出都冇所謂。（你係一姐？）年紀就係一姐。」Neway Star高層Tommy Chu則坦承Jade將於明年約滿，但對續約樂觀。

暗寸資源分配不均

另外，雨僑坦言未知會否續約，否認跟欣宜有關，但暗寸公司投放資源不均：「公司投放資源我控制唔到，簽咗同冇簽一樣，咁簽唔簽都冇所謂。」