湯鎮業（Kent）夥拍視帝黎耀祥及影帝黃秋生等於無綫劇集《梟雄》中展開惡鬥。問到演技出色的Kent有否信心問鼎「視帝」？他自認過客，但大讚黎耀祥表現突出：「有得提名已經開心。（睇好邊個？）祥仔角色雖然唔討好，但喺觀眾心中有突變！」他又點名表示想與「五虎」的苗僑偉及黃日華等於幕前鬥戲：「就算『三虎』都OK。」

湯鎮業無心戀戰，但撐祥仔攞視帝。

馬國明得一想二，希望定欣奪獎，又希望陳煒封后。

至於在《梟雄》中扮演黃秋生年輕版的馬國明同樣有份角逐視帝，惟他笑言更睇好黃秋生：「我睇好秋生哥，佢始終係影帝。」馬國明大方透露希望「舊愛」胡定欣封視后：「因為佢好努力同進步咗好多，但作為『天哥』（《梟雄》中角色）又應該撐陳煒攞，我好花心呀！」