陳智燊（Jason）與宋熙年（Sarah）昨日情侶檔上陣，到沙田出席活動，期間Jason學吹玻璃球，即場打造玻璃戒指冧未來老婆！問到Sarah會否要玻璃而棄鑽石戒指？她笑言日後生B要老公送戒指：「有石嗰隻求婚戒指收咗。（再收？）我希望步入另一階段，例如生第一個BB就有一隻，係講紀念性而唔講Size！」Jason聞言笑稱會努力工作。問到婚戒會否要大粒鑽石搭配碎石？Sarah說：「一粒石夠，旁邊太多碎石會好花。（要3C鑽石？）3C？Jason直頭係三個A！」

陳智燊與宋熙年齊齊裝飾聖誕樹，睇見都Sweet！

陳智燊與宋熙年學吹玻璃，笑得幾燦爛！

提到婚期，他們稱定於明年下半年於英國、澳洲及香港三地舉行，目前忙於籌備拍攝婚紗照，Sarah又想與好姊妹李亞男、陳爽、朱璇及高海寧拍照：「佢哋好難夾期！」而Jason搞笑大爆龔嘉欣想加入兄弟團。