李泳漢結婚，李家上下喜氣洋洋！其弟李泳豪笑說：「見過未來大嫂，佢非常Nice！（你大哥以為你結先過佢？）邊有得講，佢哥哥嚟嘛，梗係佢先啦！（依家以事業為重？）梗係事業行先，除咗車，自己都擺好多心機喺生意，好多嘢做，要事業行先。」問到是否因楊思琦的一段情導致害怕展開新感情？他即避談：「唔講呢樣嘢喇！（屋企人話唔請楊思琦？）都係唔講喇！」

泳豪分享泳漢結婚的喜悅！

準老爺李家鼎大讚泳漢妻子滿分新抱，笑言落力幫仔仔籌備婚禮：「個仔一月先舉行婚禮，做老竇係要幫手，幫手搞搞震！自己都好忙，但個仔叫到，我哋就跟佢柯打做嘢。（有指唔請楊思琦？）啲嘢過咗去就唔提，依家屋企辦緊開心事。」